ቁሳቁሶች

Saturday 23 August 2014

ቁሳቁሶች

ቁሳቁስ ስንል ማንኛውም ውሃ መያዣን ሲሆን ከብረት ወይም ከማንኛውም ነገር የተሰራ ሊሆን ይችላል፡፡ እቃ በመሰረቱ የተፈቀደ ነው፡፡ ለዚህም ማስረጃ አላህ እንዲህ ይላል፡-

‹‹እርሱ ያ በምድር ያለውን ሁሉ ለእናንተ የፈጠረ ነው፡፡›› (አል በቀራህ 29)
አንደኛ
የወርቅ ወይም የብርን ዕቃ ለጦሓራ መገልገል
ማንኛውም ዕቃ ሀላልና ንፁህ ከሆነ ለመመገቢያ ለመጠጪያና ለሌሎችም ግልጋሎቶች ማዋል የተፈቀደ ነው፡፡ ከወርቅና ብር ውጭ ከማንኛውም ውድ መዐድን የተሰራም ቢሆን በመሰረቱ ለመገልገያ የተፈጠረ ስለሆነ መጠቀም ይቻላል፡፡ ከወርቅና ከብር የሆነ ዕቃ ግን ለመመገቢያና ለመጠጪያ ብቻ ተከልክሏል፡፡ ነብዩ እንዲህ ብለዋል
“በወርቅና በብር ዕቃ አትጠጡ በሳህኖቹም አትብሉ በዱንያ ለከሃዲያን በአኺራ ደግሞ ለናንተ ነውና፡፡”
( ቡኻሪና ሙስሊም ዘግበውታል)
በወርቅ ወይም በብር የተጠገነን ዕቃ መጠቀም
በወርቅ የተጠገነ ዕቃ ክልከላው ስለሚያካትተው በምንም መልኩ አይፈቀድም፡፡ በብር ከሆነና ብሩ ትንሽ ከሆነ ግን ይፈቀዳል፡፡ ማስረጃው አነስ ባስተላለፉት ሀዲስ
“የነብዩኩባያ ተሰንጥቆ ስለነበር በብር ጠገኑት” ( ቡኻሪ ዘግበውታል)

ሁለተኛ

በከሃዲያን ቁሳቁስ መገልገል

የከሃዲያንን ዕቃ ነጃሳ መሆኑን እስካላወቅን ድረስ መጠቀም ይቻላል፡፡ ነጃሳ መሆኑ ከታወቀ ግን ከመታጠቡ በፊት መገልገል አይፈቀድም፡፡ ለዚህ ማስረጃ አቡ ሰዕለባ አል ኹሸኒይ እንዳስተላለፉት
“ለነብዩ እንዲህ በማለት ጠየቅኳቸው “እኛ የምንኖረው ከመፅሀፍ ባለቤቶች ጋር ነው፡፡ ታዲያ በዕቃቸው መመገብ እንችላለን? እሳቸውም እንዲህ ብለው መለሱ
“ሌላ ካላጣችሁ እንዳትመገቡ ካጣችሁ ግን እጠቡትና ተመገቡበት፡፡” ቡኻሪና ሙስሊም ዘግበውታል
መነጀሱ ያልታወቀ ከሆነ ግን ለምሳሌ ነጃሳን መጠቀማቸው በውል የማይታወቅ ከሃዲዎች ከሆኑ የእነርሱን ዕቃ መገልገል ይቻላል፡፡ ምክንያቱም ነብዩ እና ባልደረቦቻቸው በአንዲት ሙሽሪክ ሴት ዕቃ ውዱእ አድርገዋል፡፡ ሌላው አላህ የባለመፅሀፎችን ምግብ መመገብ ስለፈቀደልን የሚያቀርቡልን በዕቃቻው ነው፡፡ በተጨማሪም ነብዩን አንድ አይሁድ የገብስ ቂጣና ጠረኑ የተለወጠ ጮማ ሰርቶ ጋብዟቸዋል::
(አህመድ ዘግበውታል)

ሶስተኛ
ከበክት ቆዳ በተሰራ ዕቃ ጦሓራ ማድረግ

የበክት ቆዳ ከተለፋ ጦሓራ ስለሚሆን መጠቀም ይቻላል፡፡ ነብዩ እንዲህ ብለዋል
“ማንኛውም ቆዳ ከተለፋ ጦሓራ ይሆናል፡፡” ( ሙስሊም)
እንዲሁም ሰዎች የሞተ በግ እየጐተቱ ለመጣል ሲጓዙ ገጥሟቸው “ምን አለበት ቆዳዋን ገፈው አልፍተው ቢጠቀሙበት? ሲሉ እነሱም “በክት ነው እኮ” አሏቸው:: ነብዩም “የተከለከለው እኮ መብላቱን ነው” አሏቸው
በዚህ መልኩ ጦሓራ ማድረግ የሚቻለው የሚበላ እንስሳ ሲሆን ነው፡፡ የማይበላ ከሆነ አይፈቀድም፡፡ የበክት ፀጉር ጦሓራ ሲሆን ስጋው ግን ነጃሳና መመገቡም የማይፈቀድ ነው፡፡
አላህ እንዲህ ብሏል፡-
«በክት ወይም ፈሳሽ ደም ወይም የአሳማ ስጋ እርሱ ርኩስ ነውና» (አንዓም 145)
የበክት ቆዳን ውስጡ ያለውን ቆሻሻ በውሃና በጨው ወይም ለማፅጂያ በሚሆን እንደ ፅድ በመሳሰሉ ተክሎች ማፅዳት ይቻላል:: ስጋው የማይበላ እንስሳ ግን ቆዳው ጦሓራ ሊሆን አይችልም፡፡ የድመትና ከዚያ ያነሱ እንስሳቶች በህይወት ሳሉ ጦሓራ ቢሆኑም ከሞቱ በኋላ ቆዳቸው ጦሓራ አይሆንም፡፡ በጥቅሉ ማንኛውም የሚበላ እንስሳ ሳይታረድ ከሞተ ቆዳውን በማልፋት ጦሓራ ማድረግ የሚቻል ሲሆን ማንኛውም ስጋው የማይበላ እንስሳ ግን ቆዳውን ጦሓራ ማድረግ አይቻልም፡፡

ቁሳቁሶች

ሁለተኛ

በከሃዲያን ቁሳቁስ መገልገል

ሶስተኛ
ከበክት ቆዳ በተሰራ ዕቃ ጦሓራ ማድረግ